Gugent vulain nus preschentar nus sezs e noss project da la Canorta Rumantscha Turitg. Nus essan ina gruppa da geniturs rumantschs cun uffants pitschens ed abitain en la regiun da Turitg.
Malgrà che nus vivain en in ambient tudestg ed ils blers da nus han in partenari/ina partenaria da lingua tudestga, resta il rumantsch ina part da noss'identitad. A nus statti perquai fitg a cor da dar vinavant a noss uffants questa lingua.
Per pudair sustegnair ils uffants er ordaifer l'ambient famigliar d'emprender rumantsch avain nus fundà la "Canorta Rumantscha Turitg".
VIOLA CADRUVI
website, lavur da publicitad
Viola Cadruvi abitescha cun figlia e partenari a Turitg. Ella è sezza creschida si giu la Bassa, ha dentant adina discurrì rumantsch. Momentan scriva ella vi da sia dissertaziun e lavura sco assistenta scientifica a l’Universitad da Turitg.
LINUS CANTIENI
Linus Cantieni è maridà ed ha in figl ed ina figlia. Da professiun è el advocat. Ses hobis èn dar unihockey, ir cun skis e far musica.
LIVIO
CATHOMEN
finanzas, fundraising
Livio Cathomen viva cun sia partenaria e la pitschna matta Ava a Turitg. Da professiun è el expert en assicuranzas da pensiun. Ses temp liber passenta el gugent en la natira.
GIAN ANDRI CAVIEZEL
presidi, lavur da publicitad
Gian Andri Caviezel es da professiun indschegner e viva cun sia duonna, duos figls ed üna figlia a Fällanden. Seis temp liber passainta el gugent cun tuot la famiglia in Engiadina ed our'illa natüra intuorn il Greifensee.
FLAVIA DOBOZI-SGIER
tgira da commembras e da partenarias
Flavia Dobozi-Sgier deriva dalla Surselva, è architecta e viva cun siu um e lur affons el marcau da Turitg. Ella va fetg gugent a viagiar e gauda il temp liber oravant tut en curtin ni ella natira.
Verein/Uniun Canorta Rumantscha Turitg
Gian Andri Caviezel
Email: canortarumantscha@gmail.com
Tel: 079 293 05 17
Natürlich freuen wir uns über Ihre finanzielle Unterstützung.
Unter folgendem IBAN können Sie uns Ihre Spende zukommen lassen.
Natiralmain ans legrain nus da Voss sustegn finanzial. Cun il suandant numer dad IBAN pudais Vus far ina donaziun.
IBAN: CH74 0077 4010 3181 9710 0