GFZ (Gemeinnützige Frauen Zürich)

La Fundaziun GFZ (Gemeinnützige Frauen Zürich) s'engascha dapi il 1885 per ils interess da las dunnas, dals uffants e da las famiglias. La fundaziun è in'organisaziun d'utilitad publica ch'è confessiunalmain e politicamain independenta. Ses intent è da crear e da manar purschidas per famiglias tenor ils basegns da la societad sco era da promover il svilup d'uffants, da giuvenils, da famiglias e da dunnas e da crear spazis libers per els.

 

Sco organisaziun da non-profit cun var 500 collavuraturas e collavuraturs tgira ella passa 1000 uffants en 12 canortas ed en famiglias dal di, maina centers da famiglia ed è daventada la pli gronda purschidra da la tgira d'uffants cumplementara a la famiglia en la citad da Turitg.


La canorta

La canorta rumantscha sa chatta en las localitads dil center da famiglia GFZ Zeltweg (6 minutas a pe davent da la staziun da Stadelhofen, 8 minutas cun il tram davent da la staziun principala da Turitg (lingia 3 u 31), damanaivel da la fermada dal tram Kunsthaus).

 

Center da famiglia GFZ Zeltweg (GFZ Familienzentrum Zeltweg)

Zeltweg 21b

8032 Turitg